Ed. : "Desde o Neolítico, os obxectos metálicos –o Patrimonio Metálico– exhiben un dos maiores avances tecnolóxicos do ser humano. Son soporte material privilexiado para a expresión de ideas, crenzas, logros científicos e económicos, pero tamén para a guerra.
Os metais, pola súa propia natureza, sofren alteracións importantes que ata ameazan a súa existencia. A restauración e conservación de metais segue sendo unha tarefa complexa pero conta cada vez con metodoloxías máis innovadoras e eficaces; métodos, técnicas e tratamento para poder recuperar e manter o noso patrimonio para as xeracións futuras"